Josefina González Cudeiro

Josefina González Cudeiro
Biografía
Nacemento	6 de outubro de 1918 ; Ourense, España
Morte	15 de outubro de 2012 (94 anos); A Coruña, España
Actividade
Ocupación	maquis
Partido político	Partido Comunista de España
Familia
Pai	Ramón González Calviño

Josefina González Cudeiro, nada en Ourense o 6 de outubro de 1918 e finada na Coruña o 15 de outubro de 2012, foi unha guerrilleira antifascista galega.

Traxectoria

Filla de Ramón González Calviño e Vicenta Cudeiro, unha familia esquerdista, laica e republicana. Co golpe de Estado do 18 de xullo de 1936 dous dos seus irmáns, Ángel e Julio González Cudeiro, agocháronse na carboeira e o faiado da casa, no número 31 da rúa Raíña Victoria, para evitaren a fronte, xunto co fuxido Enrique Nanín Ansias. Delatados por unha veciña o 26 de marzo de 1937, foron detidos na madrugada do 27 o pai, os dous irmáns e Enrique.^[1] Josefina foi encarcerada coa súa nai e os seus irmáns Julio e Ángel. Estivo presa coa nai en Bande até 1938. Ao saír actuou coas súas irmás Luisa e Maruja en tarefas de propaganda para o Partido Comunista de España. Marcada e vixiada, decidiu trasladarse a Madrid a mediados de 1944.

Encartada na causa 370/48, foi xulgada na Coruña o 18 de outubro con José Gómez Gayoso, Antonio Seoane Sánchez, José Bartrina Villanueva, Juan José Romero Ramos, Carmen Orozco Muñoz, José Rodríguez Santos, Juan Martínez Montero, María Blázquez del Pozo e Clementina Gallego Abeledo.^[2] Foi condenada a trinta anos de prisión.^[3] Pasou polos cárceres da Coruña, Segovia e finalmente Alcalá de Henares. Exiliouse en Venezuela.

Notas

↑ La Región, 28-3-1937, p. 3.
↑ La Voz de Galicia, 19-10-1948, p. 2.
↑ "Sentencia cumplida", La Voz de Galicia, 7-11-1948, p. 2.

Véxase tamén

Bibliografía

Graña Pérez, Beatriz (2003). Voces da memoria: galegas exiliadas, emigradas e resistentes durante o réxime franquista. Concello de Santiago e USC. ISBN 84-9750-267-1.
Marco, Aurora (2011). Mulleres na guerrilla antifranquista galega. A Coruña: Laiovento. pp. 287–316. ISBN 978-84-8487-211-5.

Ligazóns externas

Josefina González Cudeiro, Heroína anónima

[1] La Región, 28-3-1937, p. 3.

[2] La Voz de Galicia, 19-10-1948, p. 2.

[3] "Sentencia cumplida", La Voz de Galicia, 7-11-1948, p. 2.

[1]

[2]

[3]